एजेन्सी : अमेरिकाद्वारा रुसमाथि लगाएको आर्थिक नाकाबन्दी छल्न भारतले रूससँग रक्षा व्यापारका लागि उपाय खोजिरहेको छ ।
भारतीय रूपैया र रुसी रुबलबीचको स्थानान्तरण गर्ने उपायको खोजीमा भारत लागि परेको छ ।
रुससँग हुने रक्षा सम्झौताको भुक्तानीका लागि कुन बाटो हुने र कुन बैंकले यस्तोमा सघाउने विषयमा यी दुई देश छलफल गरिरहेका छन् ।
अमेरिकाले लगाएको आर्थिक नाकाबन्दीले रुस भारतबीचको हतियार व्यापारलाई प्रधावित पारेको छ ।
२ अर्ब अमेरिकी डलर बराबरको हतियार र त्यसका उपकरणसम्बन्धी भुक्तानीको समस्या रहेको छ ।
यसका साथै भारतको परमाणु पनडुब्बी आइएनएस चक्रको मर्मतसम्भार परियोजना पनि समस्यामा परेको छ ।
अन्तर्राष्ट्रिय बजारमा भारु र रुबलको स्थानान्तरण गर्ने विधिको खोजीबारे छलफल भइरहेको छ ।
भारतले रुससँग गरेका हतियार खरिद सम्झौतामा समानको भुक्तानी अमेरिकी डलरमा गर्ने उल्लेख गरेको छ ।
अमेरिकी नाकाबन्दीका कारण अमेरिकी डलरमा भुक्तानी असम्भव भइरहेको छ ।भुक्तानी सम्झौता गत अप्रिल महिनादेखि रोकिएका छन् ।
यसका लागि दुबै देशले बैंकको खोजी गरिरहेका छन् । यस्ता बैंकहरूमा अमेरिकी नाकाबन्दीको जोखिम हुनेछ ।
भारतले विजया बैंक र इन्डियन बैंकसँग यसबारे कुरो गरिएको छ । भुक्तानीबारे भारतमा क्रियाशील रुसको ठूलो बैंक सबरबैंक पनि छलफल गरिरहेको छ ।
भारतलाई आइएनएस चक्र परमाणु पनडुब्बीको मर्मत सम्हार रुसबाट गराउनुपरेको छ ।
यो पनडुब्बी सन् २०१६मा ल्याइएको थियो । रुससँग एस ४०० हवाई प्रतिरक्षा प्रणाली किन्ने ५ अर्ब अमेरिकी डलरको खरिद परियोजना पनि अनिश्चित बनेको छ ।
अमेरिकाले रुसलाई सन् २०१६को राष्ट्रपति चुनावमा गडबडी ग¥यो ,क्राइमिया, युक्रेन र सिरियसंग रुसले गरेको व्यवहारका कारण अमेरिकाले रुसमाथि आर्थिक नाकाबन्दी गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया