काजोलले जुहूमा किनिन् करोडौंको दुईवटा अपार्टमेन्ट

काठमाडौं । काजोल देभगनले मुम्बईको जुहुमा रहेको ‘अनन्या’ भवनमा दुईवटा फ्ल्याट किनेकी छिन् । उनले करिब ११ करोड ९५ लाख रुपैयाँमा उक्त फ्ल्याट किनेको बताइएको छ । काजोल र अजय देवगनको मुम्बईमा पहिले नै दुईवटा आलिशान घर छन् ।

‘Squarefeetindia’ को रिपोर्ट अनुसार यी दुबै फ्ल्याटहरू १० ओँ तलामा छन्। यी दुवै फ्ल्याट २००० स्क्वायर फिटमा फैलिएका छन् । काजोलका यी दुवै नयाँ अपार्टमेन्ट उनको शिवशक्ति बंगला नजिकै छन्। सम्पत्तिको कागजातमा काजोल देवगनले ‘त्रयक्षा प्रोजेक्ट्स प्रालि’सँग हस्ताक्षर गरेका छन् ।

काजोल आफ्ना श्रीमान् अजय देवगन, छोरा युग र छोरी न्यासासँग मुम्बईको पोश क्षेत्रमा बस्छिन् । अजय देवगन र काजोलको बंगलाको नाम शिवशक्ति हो । यो बंगला भित्र र बाहिर दुबैबाट धेरै सुन्दर देखिन्छ।

काजोल र अजयले यसअघि जुहुको पोस सोसाइटीमा ६० करोडको नयाँ घर पनि किनेका थिए । अजय र काजोलको यो बंगला नजिकै ऋतिक रोशन, अक्षय कुमार र अमिताभ बच्चन र धर्मेन्द्रको पनि घर छ।