पल शाह र पूजा शर्मा अभिनित ‘किन शंका गर्छौ ?’ भिडियो सार्वजनिक

काठमाडौं । शिव दर्शन फिल्म्सले ‘किन शंका गर्छौ’? गीतको म्युजिक भिडियो सार्वजनिक गरेको छ ।
पल शाह र पूजा शर्मा अभिनित सो म्युजिक भिडियो बिहिबार सार्वजनिक गरिएको हो । भिडियोमा प्रमोद खरेल र मिलन नेवाको स्वर रहेको छ ।

नेपाली फिल्मी क्षेत्रका चर्चित कलाकार पल र पूजा अभिनित यो म्युजिक भिडियोलाई सबैले मन पाराउने विश्वास शिव दर्शन फिल्म्स्को छ । गीतमा संगीत भने राजकुमार बगरको रहेको छ ।

गीतको लेखिका भने शिवदर्शन फिल्म्सकी निर्देशक समेत रहेकी गायिका गायत्री थापा रहेकी छिन् । गायन क्षेत्रमा पनि गायत्रीको उत्तिकै योगदान रहेको छ । ‘सुनको चुरा औठीनि सुनकैछ’ भन्ने बोलको गीत गायत्रीको चर्चित गीत हो । गुल्मीमा जन्मिएकी गायत्री कलाकारिताको अलवा सामाजिक क्षेत्रमा पनि त्यत्तिकै सक्रिय छिन् ।