काठमाडौं । बलिउडमा किङ खानको नामले चर्चित अभिनेता शाहरुख खान यतिबेला लाइमलाइटबाट टाढा छन् । शाहरुख लामो समयदेखि कुनै पनि फिल्ममा देखिएका छैनन् ।
उनका फ्यानहरु अभिनेताको नयाँ फिल्मको प्रतीक्षामा छन् । यसैबीच शाहरुख खानको नयाँ तस्बिर सामाजिक सञ्जालमा भाइरल भइरहेको छ । यो तस्बिरमा अभिनेताको नयाँ लुक देखिएको छ ।
शाहरुख खानको यो तस्बिर सामाजिक सञ्जाल इन्स्टाग्राम अकाउन्टमा धेरै फ्यान र पेजहरुले सेयर गरिरहेका छन् । तस्बिरमा शाहरुखले कालो टक्सिडो लगाएको देखिन्छ ।
यसबाहेक, लामो कपाल र दाह्रीमा अभिनेता यस फोटोमा धेरै ड्यासिङ देखिन्छन्। यो तस्बिर सार्वजनिक भएपछि धेरैले अभिनेताको अर्को फिल्म पठानको लुक्स भन्ने अनुमान गरिरहेका छन् ।
शाहरुख खानको यो सम्पादित तस्बिलाई उनका फ्यानहरुले निकै रुचाइरहेका छन् । तस्बिरमा लामो कपाल भएका शाहरुखको यो नयाँ लुक उनका फ्यानले मन पराएका छन् ।
सेलिब्रेटी फोटोग्राफर डब्बू रत्नानीको २०१७ मा खिचिएको फोटो हो यो । अभिनेताको यो पुरानो तस्बिर फोटोसप गरिएको हो । शाहरुख खानको यो सम्पादित तस्बिर सामाजिक सञ्जालमा भाइरल भइरहेको छ ।
वर्कफ्रन्टमा, अभिनेता शाहरुख खान अन्तिम पटक २०१८ फिल्म जीरोमा देखिएका थिए। यस फिल्ममा उनीसँगै बलिउड अभिनेत्री कट्रिना कैफ र अभिनेत्री अनुष्का शर्मा पनि देखिएका थिए ।
योसँगै अभिनेता छिट्टै फिल्म पठानमा देखिनेछन् । सिद्धार्थ आनन्दको यो फिल्ममा अभिनेत्री दीपिका पादुकोण र जोन अब्राहम पनि देखिनेछन् ।
यो खबर पढेर तपाईलाई कस्तो महसुस भयो ?
प्रतिक्रिया