दक्षिण भारतीय सुपरस्टार रामचरण नेपाल आउँदै

काठमाडौं । दक्षिण भारतीय चलचित्रका सुपरस्टार रामचरण नेपाल आउने भएका छन् । रामचरणसहितको टोली नेपालमा छायांकन स्थल अवलोकन गर्न आउन लागेको हो ।

चलचित्रको नाम भने सार्वजनिक गरिएको छैन । उक्त चलचित्रको छायांकनका लागि अभिनेता रामचरणसहितको टोली यही फेब्रुअरी २८ मा नेपाल आउन लागेका हाे ।

चलचित्रको काठमाडौं, मनाङ र मुस्ताङमा गरिने जनाइएको छ । चलचित्रको छायांकन भने अप्रिलदेखि गर्ने जानकारी प्राप्त भएको छ ।

तीन–चार महिनाअघि नै नेपालमा रामचरणको चलचित्र छायांकन गरिने भनिए पनि हिउँ परेका कारण रोकिएको बताइएको छ ।