काठमाडौं । फिल्म ‘द कश्मीर फाइल्स’ को ट्रेलर सार्वजनिक भएको छ । फिल्म ‘द कश्मीर फाइल्स’ को सबैले उत्सुकतापूर्वक प्रतिक्षा गरिरहेका छन् । कश्मीरी पण्डितमाथि बनेको यो फिल्म हेर्न दर्शकहरु आतुर छन् । दर्शकको प्रतिक्षालाई पूर्णविराम लगाउँदै फिल्मका निर्देशकले फिल्मको ट्रेलर सार्वजनिक गरेका छन् ।
फिल्म विवेक अग्निहोत्रीले लेखेका हुन् भने निर्देशन पनि उनले नै गरेका हुन् । यस फिल्ममा अनुपम खेर र मिथुन चक्रवर्ती मुख्य भूमिकामा देखिनेछन् । ‘द कश्मीर फाइल्स’ १९९० को दशकमा कश्मीर विद्रोहका कारण कश्मीरी पण्डितहरूको पलायनको पीडाबाट सुरु हुन्छ।
यस फिल्ममा दर्शकले सन् १९९० को दशकमा कश्मीरमा फैलिएको आतंक, भ्रम र त्रासको झलक पाउनेछन् । फिल्मले कश्मीरी नरसंहारको पीडादायी र भावनात्मक तस्बिर चित्रण गरेको छ। फिल्मका निर्देशक विवेक अग्निहोत्रीले यो कथालाई पर्दामा ल्याउन सजिलो काम नभएको बताए । किनभने कश्मीरी पण्डितहरूको पलायन भारतीय राजनीतिको महत्त्वपूर्ण र संवेदनशील मुद्दा हो। त्यसैले यो फिल्मले दर्शकको आँखा खोल्ने काम गर्नेछ । उनले चलचित्रमा रहेका सबै कलाकारले आ–आफ्नो क्यारेक्टर राम्रोसँग निभाएको बताए ।
फिल्ममा भारतीय अवार्ड विजेता पल्लवी जोशी, अनुपम खेर, मिथुन चक्रवर्ती, मृणाल कुलकर्णी, पुनीत इस्सर, अमन इकबाल, दर्शन कुमार, भाषा सुम्बली लगायतका कलाकारको अभिनय रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया