पल शाहविरुद्ध अर्को जाहेरी

काठमाडौं । नायक पल शाहविरुद्ध अर्को जाहेरी परेको छ । इलाका प्रहरी कार्यालय नवलपुरमा पल शाहविरुद्ध अर्को बलात्कारसम्बन्धी जाहेरी दर्ता भएको हो ।

पल शाह हाल जिल्ला प्रहरी कार्यालय तनहुँको नियन्त्रणमा छन् । उनले आज आफै जिल्ला प्रहरी कार्यालय तनहुँ पुगेर आत्मासमर्पण गरेका थिए ।

यसअघि पनि नायक पल विरुद्ध जिल्ला प्रहरी कार्यालय तनहुँमा जाहेरी दर्ता भएको थियो । पलविरुद्ध १७ वर्षीया गायिकाले जबर्जस्ती करणीविरुद्धको जाहेरी दर्ता गराएकी थिइन् । अहिले इलाका प्रहरी कार्यालय गैँडाकोटमा पनि १७ वर्षीया गायिकाले जबर्जस्ती करणीविरुद्धको जाहेरी दर्ता गराएकी हुन् ।