रक्सी पिएर छात्रा कुट्ने चितवनको ग्राण्डी स्कुलका शिक्षक पक्राउ

चितवन : मादकपदार्थ सेवन गरि छात्राबासमा बसेका छात्रालार्इ कुटपीट गर्ने चितवनको ग्राण्डी स्कूलका शिक्षक राजु लामालार्इ प्रहरीले पक्राउ गरेको छ ।

लामाले मदिरा सेवन गरी कक्षा १० मा अध्ययन गर्ने १७ जना छात्रालार्इ छात्राबासमा लार्इन लगाएर निर्घात कुटपीट गरेका थिए । 

कुटार्इका कारण अधिकांश विद्यार्थीको हात र शरिर सुन्निएको अभिभावकहरूले जानकारी दिएका छन् । कुटपीटको घटनाबारे छलफल गर्न अभिभावक भेला बोलार्इएको छ । 

स्कूलका सञ्चालक जेम्स लामाले छात्रामाथी कुटपीट गर्ने शिक्षकमाथि कानूनी कारबाही हुने बताएका छन् ।