प्रेमी-प्रेमीकाको नामको ट्याटु खोपेर पछुताएका यी बलिउड स्टार

काठमाडौं । बलिउड सेलिब्रेटीहरूले आफ्नो प्रेम विभिन्न तरिकामा व्यक्त गर्छन्। कोही आफ्नो पति वा पत्नीको लागि महँगो उपहार किन्छन् त कोही आफ्नो शरीरमा ट्याटु बनाउँछन्।

हालै फरहान अख्तरकी बेगम शिबानी डान्डेकरले आफ्नो घाँटीमा फरहानको नामको ट्याटु खोपेकी छिन् ।

शिबानी पहिलो सेलिब्रेटी होइनन् जसले आफ्नो प्रेमकोनाममा ट्याटु बनाइन् । यसअघि पनि धेरै स्टारले यस्तो गरिसकेका छन् । बलिउड नवाब सैफ अली खानदेखि ऋतिक रोशनसम्मले ट्याटु खोपेका छन् ।

सैफ अली खान :

सैफ अली खान र उनकी पत्नी करीना कपूर खान बलिउडका सबैभन्दा सुन्दर जोडीमध्ये एक हुन्। सेफले आफ्नो देब्रे हातमा बेबोको नामको ट्याटु खोपाउँदा पापाराजीले देखेका थिए।

यो ट्याटु देखेपछि मानिसहरूले यो अस्थायी हो भन्ने अनुमान पनि लगाए । तर उनको हातमा अहिले करिनाको नामको ट्याटु रहेको छ ।

ऋतिक रोशन :

ऋतिक रोशन र सुजैन खानले आफ्नो प्रेम व्यक्त गर्नका लागि हातमा ट्याटु खोपेका थिए । तर, उनीहरुले हातमा ट्याटु बनाए पनि उनीहरुको सम्बन्ध धेरै लामो समय टिक्न सकेन ।

अलग भएपछि सुजैनले आफ्नो स्टारलाई ‘फलो योर सनसाइन’ मा परिमार्जन गरिन् । ऋतिक रोशनको हातमा सुजैनको नामको ट्याटु अझै पनि रहेको छ । तर उनको हातमा अहिले करिनाको नामको ट्याटु रहेको छ ।

दीपिका पादुकोण : 

बलिउडकी चर्चित स्टार दीपिका पादुकोणले अभिनेता रणवीर कपूरसँगको सम्बन्धका बेला आफ्नो घाँटीमा आरके नामको ट्याटु खोपेकी थिइन् । उनले आफ्नो घाँटीमा खोपेको उक्त ट्याटुपछि फ्यानहरुले उनीहरुको प्रेम सम्बन्ध विवाहमा परिणत हुन्छ भन्ने अपेक्षा गरेका थिए ।

तर उनीहरुको ब्रेकअप भयो । पछि दीपिकाले रणवीर सिंहसँग विवाह गरिन् । रणवीर सिंहसँग विवाह गरेपछि दीपिकाले ट्याटु परिमार्जन गरेकी छिन् ।

सञ्जय दत्त र मान्यता दत्त : 

सञ्जय दत्त र उनकी श्रीमती मान्यता दत्तको प्रेमकथाले धेरै हेडलाइन बनाएको थियो, तर समयसँगै दुवैले विवाह गरे र दुई सुन्दर बच्चा जन्माए। मान्यताले सञ्जुको हरेक उतारचढावमा साथ दिइन् । पतिप्रतिको माया देखाउँदै मान्यताले आफ्नो औँलामा सञ्जयको नाम लेखेकी छिन् ।

अक्षय कुमार : 

यसअघि अक्षय कुमारले आफ्ना छोराछोरी आरव र निताराको नाम आफ्नो ढाड र काँधमा ट्याटु बनाएका थिए। अभिनेताले आफ्नी श्रीमती ट्विंकल खन्नाको नामको ट्याटु आफ्नो काँधमा खोपेका छन् ।

अक्षयले आफ्नी श्रीमती ट्विंकललाई टीना भनेर बोलाउँछन्, त्यसैले उनले आफ्नो बायाँ काँधमा टिना नाम लेखेका छन्।