दुनियाँ क्यासलेस हुँदा दुर्लभजन्तुको चोरी बढ्दो

लोकपथ संवाददाता

२०७५,असार,१५,शुक्रवार ०५:५३

एजेन्सी : प्रविधिको तीव्र विकासले दुनियाँलाई नगदविहीन (क्यासलेस) बनाइरहेको छ । दुनियाँ क्यासलेस भइरहँदा वस्तु र जन्तुको चोरी बढदै गएको देखिएको छ ।

त्यसमा पनि दुर्लभ जीवजन्तुको चोरीमा तीव्रता पाइएको छ ।

क्यासलेस समाजमा प्रविधिको प्रयोग गर्ने चोर ह्याकरहरूको गतिविधि पनि तीव्र भइरहेको छ ।

तर यस्ता चोरीमा दक्ष नभएका चोरहरूले दुर्लभ जन्तुको चोरीमा सक्रिय भएको हुन सक्ने अुनमान गरिएको छ ।

विश्वभर कारोबार क्यासलेस विधिबाट हुने गरेको छ ।

सरकारहरूले यो विधिलाई प्रोत्साहन गरिरहेको छ ।

यो दशकको अन्त्यसम्म विश्वमा क्यासलेसको कारोबार ७खर्ब २६ अर्बसम्म पुग्ने अनुमान गरिएको छ ।२०१५देखि वर्सेनी १०.९ प्रतिशतको दरले क्यासलेस कारोबारमा बृद्धि भइरहेको छ ।

नेपालमा पनि कतिपय कारोबार क्यासलेसमा भइरहेका छन् । भारतलगायतका देशहरूले क्यासलेस गर्न प्रात्साहन गरिरहेका छन् ।

बेलायतमा २०१६को तुलनामा २०१७मा नगद कारोबार १५ प्रतिशतबाट घटेर १३.१ प्रतिशतमा झरेको छ भने कार्ड भुक्तानी बढेको छ ।

जापानमा नगद कारोबार ८.५ प्रतिशतले घटेको छ भने चीनमा मोबाइल भुक्तानी २०१६को एक त्रैमासिकमा २० प्रतिशत बढेको पाइयो ।

क्यासलेसले गर्दा अपराधीहरूमा समस्या परेको देखिएको छ ।

क्यासलेसको चलन बढेसँगै कारोबारीहरूमा नगद राख्चे चलन पनि हराएको छ ।

नगदको यो कमी अपराधीहरूका लागि ठूलो समस्या बन्न पुगेको छ ।

नगद हुँदा खर्च गर्न सहुलियत हुने गरेको छ । त्यसैले उनीहरूले कमाइका नयाँ तरिका अपनाउन थालेका हुन् ।

क्यासलेसले गर्दा सन् १९९०को दशकमा औसत १०० डकैती हुने गर्दथ्यो ।

चार वर्ष अघि यो घटेर ३० प्रतिशतमा झ-यो । २०१७मा यो ११मा झरेर आएको देखिएको छ ।