काठमाडौं । अर्जेन्टिनी टोलीका मिडफिल्डर जाभियर मास्केरानोले अन्तर्राष्ट्रिय फुटबलबाट सन्यासको घोषणा गरेका छन् ।
जारी विश्वकपको प्रि—क्वार्टरफाइनलमा फ्रान्ससँग ४—३ गोलले पराजित हुँदै बाहिरिएपछि मास्केरानोले सन्यासको घोषणा गरेका हुन् ।
३४ वर्षीय मास्केरानोले अर्जेन्टिनाका लागि १४५ खेल खेलेका छन् । फ्रान्सविरुद्धको खेल सकिएसँगै उनले आफ्नो खेल खेल्ने समय सएिको बताए ।
अर्जेन्टिनी क्लव रिभर प्लेटबाट व्यवसायिक करिअर सुरु गरेका मास्केरानोले सन् २००३ मा अर्जेन्टिनी टोलीबाट डेब्यू गरेका थिए । त्यसयता उनले दुई पटक ओलम्पिक स्वर्ण पदक जितेका थिए ।
मास्केरानोेले सन् २००६ देखि २००७ सम्म इंग्लिय क्लव वेष्टह्याम गएका थिए । त्यसपछि सन् २०१० सम्म लिभरपुलमा विताएका उनले सन् २०१० को जनवरीमा बार्सिलाना आबद्ध भए । अहिले उनी चिनियाँ क्लव हेवेइ चाइना फर्च्युनबाट खेलिरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया