काठमाडौं । बलिउडकी चर्चित अभिनेत्री मध्येकी एक जान्हवी कपुर केही फिल्ममा मात्रै देखिएकी छिन् । केही चलचित्रमा काम गरे पनि नायिका निकै चर्चामा रहने गरेकी छिन् ।
फिल्म ‘धडक’बाट बलिउडमा डेब्यू गरेकी जान्हवी सामाजिक सञ्जालमा पनि निकै सक्रिय छिन् । उनी हरेक दिन आफ्ना फ्यानहरूका लागि आफ्ना बोल्ड र कूल तस्बिरहरू सेयर गरिरहेकी हुन्छिन्। जान्हवीले अपलोड गरेकी तस्बिर र भिडियोमा फ्यानहरुले निकै रुचाएका हुन्छन् । यसै क्रममा अभिनेत्रीले हालै सामाजिक सञ्जालमा आफ्नो एउटा नयाँ भिडियो सेयर गरेकी छिन् ।
अभिनेत्रीले आफ्नो आधिकारिक इन्स्टाग्राममा आफ्नो फोटोसुटको बीटीएस भिडियो साझा गरेकी छिन्। भिडियोमा अभिनेत्री क्यामेराका लागि विभिन्न पोज दिइरहेको देखिन्छ । अभिनेत्रीको ग्ल्यामरस स्टाइल देखेर फ्यानहरु पागल भएका छन् । सेयर गरिएको भिडियोमा जान्हवी सुनौलो रंगको सर्ट ड्रेसमा देखिएकी छिन् ।
यो स्टाइलिस पहिरनसँगै अभिनेत्रीले मिल्दो झुम्का पनि लगाएकी छिन् । यससँगै हलुका मेकअप र खुला कपालमा नायिकाको सुन्दरता सबैले मन पराएका छन् ।
केही घण्टाअघि सेयर गरिएको यो भिडियोलाई अहिलेसम्म ५ लाख ६९ हजारभन्दा बढीले लाइक गरेका छन् । योसँगै अभिनेत्रीका फ्यानहरुले यो भिडियोमा लगातार कमेन्ट गरेर उनको सुन्दरताको तारिफ गरिरहेका देखिन्छन् ।
यो खबर पढेर तपाईलाई कस्तो महसुस भयो ?
प्रतिक्रिया