सञ्जुको धमाकेदार कलेक्सन, कति कमायो?

मुम्बई – बलिउड अभिनेता रणवीर कपूरको फिल्म ‘सञ्जु’ ले धमाकेदार व्यापार गरेको छ । बक्स अफिसमा यो फिल्मले तीन दिनमा १ सय १५ करोड बराबरको कलेक्सन गरेको छ ।

समीक्षात्मक रुपमा पनि निकै तारिफ पाएको यो फिल्म बलिउड अभिनेता सञ्जय दत्तको कथामाथि बनेको फिल्म हो । यो फिल्मले पहिलो विकेन्डमा सबैभन्दा धेरै कमाउने फिल्मको रेकर्ड पनि राखेको छ ।

राजकुमार हिरानीले निर्देशन गरेको यो फिल्म इमोस्नल, कमेडी र ड्रामाले भरिपूर्ण छ । फिल्ममा रणवीर कपूर र परेश रावल बाबु छोराका भूमिकामा छन् । साथै साथीको भूमिकामा देखिएका विक्की कौशलको पनि तारिफ भइरहेको छ ।

यो फिल्मले ३ सय करोड कमाउन सक्ने आँकलन गरिएको छ । सन् २०१८ का लागि सबैभन्दा धेरै कमाउन सक्ने फिल्म पनि बन्ने अनुमान गरिएको छ ।

फिल्मले पहिलो दिन ३४ करोड ७५ लाख भारु बराबरको व्यापार गरेको हो भने यो फिल्मले पद्मावत् र रेस ३ को भन्दा पनि राम्रो ओपनिङ गरेको थियो ।