रणवीरको ‘सन्जु’ ले ४ दिनमा कति कमायो?

काठमाडौं । फिल्म ‘सन्जु’ लाई दर्शकले रोजाइमा पारेका छन् । सञ्जय दत्तको किस्सालाई दर्शकले खुबै चासोका साथ हेरेका छन् । फिल्मले बक्स अफिसमा धूम मच्चाएको छ ।

विश्वकपले पनि यो फिल्मलाई कुनै प्रभाव पारेन । फिल्मले पहिलो दिन मात्र ३४ करोड भारुभन्दा बढीको व्यापार गरेको बताइएको थियो । यो आँकडा फिल्म सन् २०१८ का हिन्दी फिल्मले कमाएको मध्ये सबैभन्दा धेरै हो ।

शनिवार फिल्मले ३८ करोड ६० लाखको व्यापार गरेको थियो । त्यस्तै तेस्रो दिनमात्र ४६ करोड भारु बराबरको व्यापार गरेको थियो । यो कलेक्सनलाई भारतीय मिडियाले ऐतिहासिक कलेक्सन पनि भनेका छन् ।

चौथो दिन फिल्मले लगभग २२ करोड रुपैयाँको कलेक्सन गरेको बताइएको छ । योसँगै फिल्मले चौँथो दिनसम्म आइपुग्दा १ सय ४२ करोड भारुको व्यापार गरेको छ ।

पहिलो सप्ताहमै फिल्मले २ सय करोड कमाउने अनुमान गरिएको छ । फिल्म ३ सय करोड क्लबमा सामेल हुने फिल्म पनि बन्ने सक्ने देखिएको छ ।

राजकुमार हिरानीले निर्देशन गरेको यो फिल्म सञ्जय दत्तको जीवनीका केही घटनालाई लिएर बनाइएको हो । फिल्ममा परेश रावल, सोनम कपूर, विक्की कौशल, दीया मिर्चा, अनुष्का शर्मा, मनीषा कोइराला लगायतका कलाकारले अभिनय गरेका छन् ।