चैत महिनाको पहिलो दिन घट्यो सुनचाँदीको मूल्य

काठमाडौं । चैत महिनाको पहिलो दिन आज (मंगलबार) नेपाली बजारमा सुनको मूल्यमा गिरावट आएको छ ।

सोमबारको तुलनामा आज प्रतितोला छापावाला सुनको मूल्य १ हजार ८ सयले गिरावट आएको नेपाल सुनचाँदी व्यवसायी महासंघले जनाएको छ । सोमबार सुनको मूल्य १ लाख २ हजार ३ सय रहेको थियो । भने आज मूल्य गिरावट आइ १ लाख ५ सय कायम भइ कारोबार भइरहेको महासंघले जनाएको छ ।

त्यस्तै आज चाँदीको मूल्यमा समेत गिरावट आएको छ । सोमबार प्रतितोला चाँदीको मूल्य १४ सय १५ रहेकोमा आज मूल्य गिरावट आइ १३ सय ८० कायम भइ कारोबार भइरहेको छ ।