द कश्मीर फाइल्स : अनुपम खेरको त्यो ट्वीट जसले कपिललाई दियो थप तनाव

काठमाडौं । भारतीय टिभीको चर्चित रियालिटी शो ‘द कपिल शर्मा शो’ यतिबेला विवादमा परेको छ । ‘द कश्मीर फाइल्स’का निर्देशक विवेक अग्निहोत्रीले कपिल शर्माले ‘द कश्मीर फाइल्स’को टोलीलाई आफ्नो शोमा बोलाउन अस्वीकार गरेको आरोप लगाएका थिए।

निर्देशकको आरोपपछि कपिल शर्मा ट्रोल भइरहेका छन् । तर, यही विवादका बीच अनुपम खेरको एउटा भिडियो सार्वजनिक गरेका छन । जसमा अनुपम खेरले कपिल शर्माको शोमा फिल्मको प्रमोशन नगर्नुको कारण दिएका छन् ।

यो भिडियो कपिल शर्माले सामाजिक सञ्जालमा सेयर गरेका छन् जसमा उनले अनुपम खेरलाई धन्यवाद समेत दिएका छन् । यसै क्रममा अब अनुपम खेरले यो भिडियोमा केही भनेका छन्, जसका कारण कपिल शर्मा फेरि नराम्रोसँग फसेका छन् ।

अनुपम खेरले के भने ?

कपिल शर्माले अनुपम खेरको अन्तर्वार्ताको यो भिडियो पनि ट्विटरमा पोस्ट गरेका छन्, जुन निकै भाइरल भइरहेको छ । सोही भिडियोलाई रिट्वीट गर्दै अनुपम खेरले लेखेका छन्, ‘प्रिय कपिल, म चाहन्छु कि तपाईंले पूरा भिडियो पोस्ट गरिदिएको भए हुन्थ्यो । आधा सत्य हुदेँन । सारा विश्वले उत्सव मनाइरहेको छ। तिमीले पनि आज राती मनायौ। सधैं प्रेम र प्रार्थना।’ अनुपम खेरको यो ट्विटले अहिले सबैलाई चकित बनाएको छ । यो ट्विट सामाजिक सञ्जालमा निकै भाइरल भइरहेको छ ।

अनुपम खेरले आफ्नो अन्तर्वार्तामा कपिल शर्माको शोको बारेमा भनेका थिए कि उनी आफ्नो फिल्म ‘द कपिल शर्मा शो’ मा प्रचार गर्न चाहँदैनथिए किनभने यो एक गम्भीर फिल्म हो र द कपिल शर्मा शो कमेडी शो हो। अनुपम खेर भन्छन्, ‘द कश्मीर फाइल्स’को टोलीलाई दुई महिनाअघि मात्र शोमा आउन भनिएको थियो, तर मैले मेरो प्रबन्धक हरमनलाई भने, ‘यो फिल्म एकदमै गम्भीर मुद्दामा बनेको छ, त्यसैले कपिल शर्मा शो मा प्रचार नगरौ ।

कपिल शर्माले क्याप्सनमा लेखेका छन्, ‘म विरुद्ध लगाइएको सबै झूटा आरोपहरू स्पष्ट पार्नु भएकोमा पाजी (अनुपम खेर) लाई धन्यवाद। अनि सत्य नबुझेर मलाई यति धेरै माया दिनुहुने सबै साथीहरूलाई पनि धन्यवाद । खुसी रहनुहोस्, मुस्कुराइरहनुहोस्।’