काठमाडौं । बलिउड अभिनेत्री विद्या बालन एक उत्कृष्ट अभिनेत्री हुनुका साथै एक उत्कृष्ट हास्य कलाकार पनि हुन् । फ्यानहरु उनको अभिनय र सेन्स अफ ह्युमरलाई मन पराउने गरेका छन् । विद्याले सोमबार आफ्नो सामाजिक सञ्जाल अकाउन्टमा ‘आस्क मी एनिथिङ’ सत्र आयोजना गरिन् ।
यस क्रममा अभिनेत्रीले फ्यानहरूसँग अन्तरक्रिया गर्दा आफ्नो जवाफले फ्यानहरूलाई चकित पारिन् । एक प्रयोगकर्ताले विद्यालाई तपाइ किन हट फोटोशुट गर्नुहुन्न भनेर सोधेका थिए ।
यस प्रश्नको रमाइलो जवाफ दिँदै विद्याले भनिन्– ‘गर्मी भइरहेको छ र म सुटिङ गरिरहेको छु । त्यसैले हट फोटोसुट भएन । विद्याबाट यस्तो जवाफ कसैले अपेक्षा गरेका थिएनन् । सबैले अभिनेत्रीको सेन्स अफ ह्युमरको तारिफ गरिरहेका छन् ।
‘आस्क मी एनिथिङ’ सत्रमा विद्याले आफ्नो तौल, आगामी फिल्म, डाइट आदि बारे धेरै प्रश्नको जवाफ दिइन्। अन्य प्रश्नको जवाफ दिँदै विद्याले आफूलाई कपडामा सारी र खानामा इटालियन मनपर्ने खुलासा गरिन् । आफ्नो मनपर्ने अभिनेत्रीको बारेमा सोध्दा विद्याले आलिया भट्टको नाम लिएर फिल्म गंगुबाई काठियावाडीमा उनको अभिनयको तारिफ गरिन् । यसबाहेक उनले योगा पोजमा शवासन मनपराउने बताइन् । सत्रकै क्रममा एक फ्यानले विद्या बालनलाई उनको उमेर सोधे, जसको अभिनेत्रीले मजाकमा जवाफ दिँदै ‘गुगल इट’ भनेकी थिइन् ।
वर्कफ्रन्टको कुरा गर्ने हो भने विद्या बालन चाँडै फिल्म जलसामा देखिनेछिन् । मार्च १८ मा अमेजन प्राइम भिडियोमा रिलिज हुने यस फिल्ममा विद्यासँगै शेफाली शाह पनि मुख्य भूमिकामा देखिनेछिन् ।
यो खबर पढेर तपाईलाई कस्तो महसुस भयो ?
प्रतिक्रिया