‘बाबु कान्छा’ गीत सार्वजनिक (भिडियो)

काठमाडौं । यही असार २९ गतेबाट रिलिज हुने चलचित्र ‘बाबु कान्छा’ को टिमले नयाँ गीत सार्वजनिक गरेको छ । फिल्म युनिटले केही समयअघि ट्रेलर सार्वजनिक गरेको थियो तर ट्रेलरले खासै चर्चा भने पाएको थिएन ।

रिलिज भएको गीतमा शम्भुजित बास्कोटाले स्वर दिएका छन् भने टंक बुढाथोकीको शब्द तथा संगीत रहेको छ ।

यो फिल्ममा सलोन बस्नेत, सरोज खनाल, करिष्मा श्रेष्ठ, राजाराज पौडेल, लय संग्रौला लगायतका कलाकारले अभिनय गरेका छन् । फिल्मबाट ज्योत्सना महर्जन र अश्लिन ज्ञवालीले डेब्यु गर्दैछिन् ।

चलचित्रमा अस्ट महर्जनको एक्सन, राज खड्काको सम्पादन रहेको छ भने फिल्मको लेखन, निदेशन र निर्माण सोभित बस्नेतले गरेका हुन् ।