काठमाडाैं । संगीतकार प्रमोद पन्तको नयाँ गीत सार्वजनिक भएको छ । सन्दिप परियार र मेनुका परियारको स्वरमा रहेको ‘रस छ फूलैमा’ बोलको गीत सार्वजनिक भएको हो ।
डा. सदानन्द कँडेलको शब्दलाई प्रमोद पन्तले सङ्गीत भरेका हुन् भने संगीत संयोजन रिदम कँडेलले गरेका हुन् ।
युवायुवतीबीचको प्रेम प्रसङ्गलाई दर्शाइएको गीतमा सुरज श्रेष्ठ र निहारिका थापालाई देख्न सकिन्छ । मिलन श्रेष्ठको निर्देशनमा तयार भएको भिडियोलाई सन्तोष तिमल्सिना र विपिन चौलागाईले खिचेका हुन् भने रोशन धितालले सम्पादन गरेका हुन् ।
पेशाले शैक्षिक अनुसन्धानकर्ता रहे पनि हाइकु र नियात्रा लेखनमा सक्रिय रहेका गीतकार कँडेलको सार्वजनिक भएको यो दोस्रो गीत हो ।
यसअघि उनकै लेखनमा निस्वार्थी माया आमाको बोलको गीत अन्जु पन्तको आवाजमा सार्वजनिक भइसकेको छ। गीतको भिडियो पीपीएम क्रियसन युट्युब च्यानलमा हेर्न र सुन्न सकिन्छ ।
भिडियाे हेर्नुहाेस् :
यो खबर पढेर तपाईलाई कस्तो महसुस भयो ?
प्रतिक्रिया