मुम्बई । राजकुमार हिरानीले निर्देशन गरेको फिल्म ‘सन्जु’ ले बक्स अफिसमा धूम मच्चाएको छ । यो फिल्मले ३ सय करोड क्लबमा नाम दर्ता गराउने तयारी गरेको पनि बताइन्छ । फिल्ममा सञ्जय दत्तको जीवनका केही किस्सालाई लिएर फिल्म बनाइएको छ । खासगरी सञ्जय दत्तको ड्रग्स र अवैध हतियारको पाटोलाई फिल्ममा देखाइएको छ ।
फिल्म हेर्न दर्शक हलमा पुगेकामध्ये धेरै दर्शकले केही प्रश्नको भने जवाफ पाउँदैनन् । धेरैजसो मुख्य कुरालाई फिल्मले लुकाएको छ । के हुन् त ती कुरा, जुन ‘सन्जु’ मा अलमल छन्?
सन्जुकी पत्नी ऋचा शर्मासँग कसरी बिहे भयो? किन दुईमा ब्रेकअप भयो भन्ने कुरालाई कतै पनि खुलाइएको छैन । त्यस्तै सन्जुको दोस्रो बिहे र दोस्रो पत्नीका बारेमा केही भनिएको छैन । अर्को पक्ष राजेश खन्ना र ऋषि कपूरलाई धम्काउनेवाला किस्सा लुकाइएको छ ।
एक प्रसिद्ध अभिनेत्रीको घरका बाहिर सन्जुले फायरिङ गरेका थिए, त्यो कुरा कतै समेटिएको छैन । एक चर्चित अभिनेत्रीसँग उनको नाम जोडिएको हल्ला थियो, त्यो कुरालाई पनि कतै राखिएको छैन ।
सञ्जय दत्त र रेखाका बीच बिहे गर्नेसम्मको हल्ला थियो, यो बारेमा पनि केही चर्चा छैन ।
सञ्जय दत्तले आफ्ना साथीहरुलाई एक समूह बनाउँथे, जुनमा सञ्जय गुप्तासहित केही मान्छे थिए । उनीहरुको सम्बन्ध मान्यतासँगको सम्बन्धमा बिग्रेको थियो भन्ने गरिन्छ तर त्यो पनि केही भनिएको छैन ।
यस्ता कुरालाई भारतीय मिडिया वेबदुनियाँले लेख्न त लेखेको त छ तर उसले पनि अनुमानका भरमा लेखेको हुन सक्छ । यदि त्यसो हो भने सञ्जय दत्तलाई फिल्ममा देखाइए झैं मिडियाबाजी नै गरेको पनि हुन सक्छ ।
यो खबर पढेर तपाईलाई कस्तो महसुस भयो ?
प्रतिक्रिया