अल्लु अर्जुनको ‘पुष्पा’ र रणवीर सिंहको ‘८३’ आज टेलिभिजनमा प्रशारण हुँदै

काठमाडौं । २०२१ मा थिएटरमा हिट हुने दुई हिट फिल्महरू  ‘पुष्पा : द राइज’ र ‘८३’ सबै सानो पर्दामा भिड्न तयार भएका छन् ।

निर्माताले सामाजिक सञ्जालमा एक पोस्ट सेयर गर्दै ‘पुष्पा : द राइज’को हिन्दी संस्करण दर्शकको मनोरञ्जनका लागि आइतबार सानो पर्दामा आउने तयारी गरेको जानकारी दिएका छन् । रणवीर सिंह अभिनित ८३ को वर्ल्ड टेलिभिजन प्रिमियर पनि आज हुँदै छ ।

डिसेम्बर २४ मा रिलिज भएको पुष्पा : द राइज को एक हप्तापछि रिलिज भएको रणवीर सिंहको ‘८३’ थिएटरहरूमा एक अर्कालाई कडा प्रतिस्पर्धा दिएका थिए । संयोगवश, दुवै फिल्मको कलेक्सन करिब १०८ करोड थियो । तैपनि, ‘८३’ को अत्यधिक लागतको कारण फ्लप घोषित भयो र अल्लु अर्जुनको फिल्म ब्लकबस्टर घोषित भयो।

फिल्म कहिले र कहाँ हेर्न पाइन्छ ?

‘पुष्पा : द राइज – पार्ट १’ को स्याटेलाइट प्रिमियर मार्च २० अर्थात् आज हुँदै छ। यो एक्सन इन्टरटेनर मनिष शाहको च्यानल ढिञ्चक टीभीमा राति ८ बजे प्रशारण हुनेछ । त्यस्तै ८३ भने राति ८ बजे स्टार गोल्डमा प्रशारण हुनेछ ।

ओटीटी मा दुवै चलचित्र कहिले र कहाँ हेर्न सक्नुहुन्छ ?

‘पुष्पा : द राइज’ अब अमेजन प्राइम भिडियोमा चार भाषाहरूमा उपलब्ध छ -(तमिल, तेलुगु, मलायालम र कन्नड) पुष्पको हिन्दी संस्करण जनवरी १४ देखि ओटीटी मा उपलब्ध छ। अर्कोतर्फ, रणवीर सिंहको ८३ चाँडै ओटीटी मा रिलिज हुँदै छ।