हलिउड अभिनेत्री बोनी राइटले गरिन् विवाह

काठमाडौं । हलिउडको चर्चित सिरिज ह्यारी पोटरमा गिन्नी विस्लीको भूमिकामा देखिएकी हलिउड अभिनेत्री बोनी राइटले विवाह गरेकी छिन् । लामो सम्बन्धपछि अभिनेत्रीले प्रेमी एन्ड्रयू लोकोकोसँग विवाह गरेकी हुन् ।

बोनीले आफ्नो अफिसियल इन्स्टाग्राम अकाउन्टमा एउटा भिडियो सेयर गरेर फ्यानलाई यसबारे जानकारी दिएकी हुन् । सेयर गरिएको भिडियोमा बोनी र उनका पति एन्ड्रयूको हात देखिन्छ । यसका साथै भिडियोमा दुवैले आफ्नो विवाहको औंठी पनि देखाएका छन् ।

यो भिडियो इन्स्टाग्राममा सेयर गर्दै बोनीले यसको लागि एउटा प्यारो क्याप्सन पनि लेखेका छन् । अभिनेत्रीले आफ्नो क्याप्सनमा लेखेकी छिन्, ‘मेरो जीवनको सबैभन्दा राम्रो दिन, धन्यवाद मेरो श्रीमान । यससँगै उनले हार्ट इमोजी पनि पोस्ट गरेकी छिन् ।

अभिनेत्रीले सेयर गरेको यो पोष्टमा जोडी पोखरी नजिकै समय बिताएको देखिन्छ । यससँगै दुवैको हातमा देखिएको विवाहको औंठी पनि निकै सुन्दर देखिन्छ ।

अभिनेत्रीको यो पोस्ट हालसम्म ५ लाखभन्दा बढीले हेरिसकेका छन् । यसका साथै उनका फ्यानहरुले पनि उनलाई यो विशेष दिनको लागि कमेन्ट गर्दै बधाई दिइरहेका छन् । यस बाहेक फिल्म ह्यारी पोटरमा उनीसँग देखिएका धेरै सह-कलाकारहरूले पनि उनको यो पोस्टमा कमेन्ट गर्दै जीवनको नयाँ सुरुवातको लागि शुभकामना दिइरहेका छन्।