मुम्बई । आजभोलि रणवीर कपूर फिल्म ‘सन्जू’ का कारण मात्र चर्चामा छैनन् । आलिया भट्टका कारण पनि चर्चामा छन् ।
यसै पनि रणवीर कपूर जुन हिरोइनसँग कुरा गर्छन्, ऊसँग अफेयरका किस्सा शूरू भइहाल्छन् ।
यतिबेला रणवीर र आलियाले फिल्म ‘ब्रह्मास्त्र’ मा साथै काम गरिरहेका छन् । त्यसैले अर्को हल्ला के पनि छ भने यी दुईले आफूलाई हिट बनाउन पनि यस्तो हल्ला फैलाएका हुन सक्छन् ।
तर, पछिल्लो समय भने यी दुई प्रेममा गम्भीर भएको हल्ला चल्न थालेको छ ।
आलिया भट्ट आफ्नो परिवारबाट अलग्गै बस्ने गर्छिन् । पछिल्लो समय रणवीर आलिया भट्टको घर गएको खबर फैलिएको छ । आलियाका पिता महेश भट्ट पहिलेदेखि नै आलियासँग थिए । उनलाई थाहा थियो कि, रणवीर आउँदैछन् । रातको समयमा रणवीर आए । यी तीनैले आलियाको घरमा लामो समय कुरा गरे । शायद महेशलाई पनि रणवीर र आलियाको सम्बन्धलाई लिएर कुनै समस्या छैन ।
खबरका अनुसार आलिया र रणवीरलाई लिएर महेश भट्टले एक फिल्मको योजना बनाइरहेका छन् ।
आलिया र रणवीरको हल्ला चलिरहे पनि यी दुईको बारेमा वास्तविकता भने धेरैलाई थाहा छैन । तर आलियाले एक अन्तर्वार्तामा भनेअनुसार उनी रणवीरकी फ्यान हुन् ।
जब ‘ब्रह्मास्त्र’ मा एकसाथ काम गर्ने योजना बनेको थियो, आलियाको खुशीको सीमा नै थिएन । यो फिल्ममा रणवीर र आलियासँगै अमिताभ बच्चन पनि छन् । फिल्म सन् २०१९ मा रिलिज हुने भनिएको छ ।
यो खबर पढेर तपाईलाई कस्तो महसुस भयो ?
प्रतिक्रिया