सेमिफाइनलमा पुगेसँगै इंग्ल्याण्डमा खुशीयाली (तस्वीर सहित)

रसिया । इंल्याण्ड जारी २१ औं संस्करणको फिफा विश्वकप फुटबलको सेमिफाइनलमा पुगेसँगै त्यहाँका खेल समर्थकहरुले खुशी साटासाट गरेका छन् । 

सामरा स्टेडियममा शनिबारराति भएको पहिलो क्वार्टरफाइनल खेलमा स्वीडेनलाई २—० ले हराउँदै इंग्ल्याण्ड अन्तिम चारमा पुगेसँगै समर्थकहरुले खुशीयाली मनाएका हुन् ।

२८ वर्ष पछि पहिलो पटक सेमिफाइनलमा पुगेको इंग्ल्याण्डका समर्थकले मुख्य चोकमा जम्मा भएर खुशी बाडेका थिए । इंग्ल्याण्ड सन् १९९० यता पहिलो पटक विश्वकपको अन्तिम चारमा पुगेको हो ।

सन् १९६६ मा इंग्ल्याण्डले पहिलो पटक विश्वकपको उपाधि जितेको थियो । अब फाइनल प्रवेशको लागि इंग्ल्याण्डले यहि बुधबार क्रोएसियाको सामना गर्नेछ ।