काठमाडौं। मोन्ट्रल टाइगर्स क्यानडामा जारी ग्लोबल टी–२० प्रिमियर लिग क्रिकेट प्रतियोगिताबाट बाहिरीएको छ ।
नेपाली क्रिकेटर सन्दिप लामिछाने आबद्ध भएको टिम मोन्ट्रल टाइर्गस टोरन्टोसँग १ विकेटले पराजित हुँदै प्रतियोगिताबाट बाहिरिएको हो ।
नेपाली स्टार खेलाडी सन्दिपले भने अन्तिम खेलमा उत्कृष्ट प्रर्दशन गर्दै २ विकेट लिन सफल भएका थिए । सन्दिपले चार ओभरमा ३४ रन खर्चिदै दुई विकेट लिएका हुन ।
टस हारेर पहिले ब्याटिङको निम्तो पाएको मोन्ट्रेलले निर्धारित २० ओभरमा ४ विकेट गुमाउँदै एक सय ७६ रन बनाएको थियो ।
मोन्ट्रेलका लागि जर्ज वोर्केरले ६२ तथा हेनरिकले ५० रन जोडेका थिए ।
जवाफी मैदानमा ब्याटिङ गरेको टोरन्टोले २० ओभरमा ९ विकेट गुमाउँदै निर्धारित लक्ष्य पूरा गर्यो ।
टोरोन्टोका लागि नितेश कुमराले ४६ रन, एन्टोन डेभिचले ४३ तथा कायरन पोलार्डले ३७ रनको योगदान दिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया