पोस्टरमा यस्तो छ ‘पण्डित बाजेको लौरी’

काठमाडौं । रिलिजको मुखमा आएर फिल्म ‘पण्डित बाजेको लौरी’ ले पोस्टर सार्वजनिक गरेको छ । यसअघि फिल्म युनिटले सार्वजनिक गरेको ट्रेलर र गीतले केही मात्रामा चर्चा कमाएको थियो ।

आउँदो साउन ४ गतेदेखि रिलिज हुन लागेको यो फिल्मलाई दीपक ओलीले निर्देशन गरेका हुन् ।

यौन मनोविज्ञान र वादी समुदायको कथा उठाइएको फिल्म डार्क कमेडी छ ।

चलचित्रलाई भोलाराज सापकोटा, प्रविण खतिवडा, विजय बराल, प्रमोद अग्रहरी, मरिष्का पोखरेल, विशाल पहारी, सन्ध्या केसी लगायतका कलाकारले अभिनय गरेका छन् ।

फिल्ममा कथा, पटकथा तथा संवाद महेश दवाडीको रहेको छ ।