नाडाल र जोकोभिच विम्बल्डनको सेमिफाइनलमा

काठमाडौं । स्पेनी राफेल नाडाल र सविर्याली नोभाक जोकोभिच जारी विम्बल्डन टेनिसको सेमिफाइनलमा प्रवेश गरेका छन् । 

अल इंग्ल्याण्ड क्लबमा बुधबारराति सम्पन्न मेन्स सिङगल्सतर्फको क्वार्टरफाइनल खेलमा नाडालले अर्जेन्टिना जुवान मार्टिन डेल पोर्टोलाई ३—२ को निक्कै प्रतिस्पर्धात्मक सेटमा पराजित गर्दै अन्तिम चारमा प्रवेश गरेका हुन ।

खेलको पहिलो सेट ७—५ ले जितेका नाडाल दोस्रो सेटमा भने डेल पोर्टोसँग ७—६ ले पराजित भए । तेस्रो विम्बल्डनको उपाधि जित्ने दौडमा रहेका नाडाल तेस्रो सेटमा पनि ६—४ ले पराजित भए । तर त्यसपछि बाँकी दुई सेटमा उत्कृष्ट प्रर्दशन गर्दै खेल आफ्नो पक्षमा पारे ।

उनले बाँकी अन्तिम सेट ६—४ र ६—४ ले जित्दै अघिल्लो चरणको यात्रा तय गरे । अब १७ पटकका ग्राण्डस्लाम विजेता नाडालले सर्वियाली नोभाक जोकोभिचसँग फाइनल प्रवेशको लागि प्रतिस्पर्धा गर्नेछन् । 

त्यस्तै, बुधबारराति नै भएको अर्को खेलमा जोकोभिचले जापानका केई निसीकोरीलाई ६—३, ३—६, ६—२ र ६—२ को सेटमा हराउँदै अघिल्लो चरणमा प्रवेश गरेका छन् ।