काठमाडौं । प्रधानमन्त्री केपी शर्मा ओलीले मन्त्रालयका सचिव र मन्त्रीहरुलाई एकसाथ बोलाएका छन् ।
बुधबार दिउँसो सिंहदरबारमा सबै मन्त्रालयका सचिव र मन्त्रीहरुलाई एकसाथ बोलाएर मन्त्रालयले के–कस्ता काम गरिरहेका छन् र कस्ता योजना ल्याएका छन् भनेर बुझ्न प्रधानमन्त्रीले सबैलाई एक ठाउँमा भेला गरेका हुन् ।
प्रधानमन्त्रीले मन्त्री र सचिवहरुलाई दिउँसो १ बजे उपस्थित हुन निर्देशन दिएका थिए । तर, आफैले बोलाएको बैठकमा भने प्रधामन्त्री ओली भने दुई घण्टा ढीलो उपस्थित ।
एक बजे बोलाइएको बैठकमा प्रधानमन्त्री ३ बजेमात्रै उपस्थित भए ।
बैठकमा प्रधानमन्त्रीले खासै मन्तव्य नराखे पनि विभिन्न मन्त्रालयका सचिवहरुले आफ्नो प्रस्तुती राखिरहँदा प्रश्नोत्तर भने राम्रैसित गरेका थिए ।
यसैबीच भौतिक पूर्वाधार तथा यातायात मन्त्रालयका तर्फबाट प्रस्तुति हुँदा पानीजहाज सम्बन्धी अध्ययन र कार्ययोजना छिटो ल्याउन प्रधानमन्त्रीले आग्रह गरे ।
प्रधानन्त्रीको प्रशनको जवाफ दिँदै मन्त्री रघुवीर महासेठले पानी जहाज सम्बन्धी अध्ययन गर्न तथा पूर्व–पश्चिम राजमार्गमा बनेका पुलहरु होचा भएकाले हुन सक्ने समस्या बारे छलफल गर्न समय लाग्ने जवाफ दिए ।
यो खबर पढेर तपाईलाई कस्तो महसुस भयो ?
प्रतिक्रिया