काठमाडौं । ब्रिटिश गोर्खा सैनिकमा नेपाली महिलाहरुका लागि पनि बाटो खुलेको छ । वेलायत सरकारले ब्रिटिश गोर्खा सैनिकमा नेपाली महिलालाई पनि भर्ना गर्ने तयारी गरेको छ ।
नेपाल र बेलायतबीचको करीव दुईसय वर्ष लामो इतिहास कायम भएसंगै वेलायती सेनामा गोर्खाहरुको आवद्धता पनि त्यतिनै वर्ष पुरानो छ । यसअघि ब्रिटिस सेनामा पुरुषहरुले मात्र अवसर पाउदै आएका थिए ।
वेलायतको चर्चित मिडिया सण्डेटाइम्सका अनुसार, सन् २०१९ बाट ब्रिटिश गोर्खामा महिला सैनिक भर्ना शुरु हुने उल्लेख छ । करीव तीनहजार महिला भर्ना गर्ने तयारी गरेको छ ।
अर्को वर्षबाट ब्रिटिश गोर्खा सैनिकमा महिलाहरुका लागि पहिलो पटक भर्ती खुल्ने तयारी भइरहेको छ ब्रिटिस सैनिक अधिकारीलाई उद्धृत गर्दै सण्डेटाइम्समा भनिएको छ, तालिम भने सन् २०२० को बसन्त ऋतुबाट सुरु हुने छ ।
तर, पुरुष र महिलाहरुबीचको भर्ना छनोट प्रक्रिया र तालिममा भने कुनै फरक नहुने जनाइएको छ । निकै कठिन र चूनौतिपूर्ण मानिएको ब्रिटिश गोर्खा सैनिकमा भर्ना तथा तालिम प्रक्रिया महिलाहरुले पार गर्नु पर्ने छ ।
महिलाले करीव २५ किलो बालुवाको भारी बोकेर उकाली ओराली ४८ मिनेटमा सहजै रुपमा दौडन सक्नु पर्ने हुन्छ । ब्रिटिस गोर्खा सैनिक सेवा चूनौतिपूर्ण भएपनि तलवसेवा र भत्ता सुविधा निकै आकर्षक हुन्छ । त्यसकारण नेपाली युवाहरुको आकर्षण बढी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया