काठमाडौं । हिमालय टेलिभिजनबाट प्रशारण हुँदै आएको टेलिभिजन रियालिटी शो ‘हिमालय रोडिज’ चौथो सिजनको उपाधि नसिव तामाङले जितेका छन् ।
सोमबार राति भएको ग्राण्ड फिनालेमा अर्का फाइनलिस्ट रोशन श्रेष्ठलाई पछि पार्दै नसिवले हिमालय रोडिजको चौथो सिजनको उपाधि हात पारेका हुन् ।
उनले उपाधिसँगै नगद १० लाख रुपैयाँ, यामाहाको स्कुटर र ट्रफी प्राप्त गरेका छन् । प्रतिस्पर्धाका लागि लिइएको फाइनल टास्कलाई सबैभन्दा कम समयमा पूरा गरेपछि उनलाई विजेता घोषित गरिएको हो ।
भारतीय कम्पनी भायकमबाट लाइसेन्स लिएर नेपालमा निर्माण भएको रोडिज तीन महिना अघिदेखि सुरु भएको हो । रोडिजको पछिल्लो सिजनमा १८ जनाले प्रतिस्पर्धा गरेका थिए ।
यसपटकको संस्करणलाई सिजन अफ सर्भाइभल पनि भनिएको छ । सिमोस सुनुवारले निर्देशन गरेको रोडीजको यस सिजन मा रेमनसहित अनुपविक्रम शाही, दीया मास्के, आशिष राना र पहिलो संस्करणका विजेता समन श्रेष्ठ निर्णायक रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया