एजेन्सी: अमेरिकी सरकारले २९ वर्षीया एक रूसी महिलामाथि रूसी सरकारका लागि जासुसी गरेको आरोपमा गिरफ्तार गरेको छ ।
पक्राउ परेकी रूसी एजेन्टले राजनीतिक समूहमा घुसपैठको षडयन्त्र गरेको आरोप लगाइएको छ ।
मारिया बूटीना नाम गरेकी यी महिलाले रिपब्लिकन पार्टीका सदस्यहरूसँग निकटम सम्बन्ध बनाएकी थिइन् ।
साथै उनी बन्दुक अधिकारको वकलात गरिरहेकी थिइन् ।
फिनल्यान्डको राजधानी हेलसिंकीमा अमेरिकी राष्ट्रपति डोनाल्ड ट्रम्प र रूसी राष्ट्रपति भ्लादिमिर पुटिनबीच भेटवार्ता सम्पन्न भएको केही समय भित्रै यो गिरफ्तारी सार्वजनिक भएको हो ।
भनिए अनुसार मरिया बूटीनाले रूसी सरकारका उच्च अधिकारीहरूको निर्देशनमा काम गर्दै आएकी थिइन् ।
अमेरिकाको न्याय विभागले जारी गरेको विज्ञप्तिमा मारियालाई वासिंटनमा आइतबार नै गिरफ्तार गरिएको जनाएको छ ।
मामिलाको सुनुवाई भएसम्म उनलाई जेलमा राखिने छ ।
उनको सम्बन्ध अमेरिकाको नेशनल राइफल एसोसिएसनसँग रहेको थियो । यो बन्दुकको वकालत गर्ने अमेरिकाको सबै भन्दा ठूलो समूह हो ।
यो खबर पढेर तपाईलाई कस्तो महसुस भयो ?
प्रतिक्रिया