‘फ्यान्टास्टिक बिट्स : द सेक्रेट्स अफ डम्बलडोर’ को ट्रेलर सार्वजनिक

काठमाडौं । ह्यारी पोर्टरको फिल्म ‘फ्यान्टास्टिक बिट्स’को ट्रेलर रिलिज भएको छ ।

‘ह्यारी पोर्टर’ फेम्ड लेखिका जेके रोलिङको नयाँ फिल्म ‘फ्यान्टास्टिक बिट्सः द सेक्रेट्स अफ डम्बलडोर’ आगामी शुक्रबार नेपालमा रिलिज हुँदैछ ।

रिलिज हुन तीन दिन बाँकी रहँदा डेभिड यट्स निर्देशित फिल्मले अन्तिम ट्रेलर सार्वजनिक गरेको छ ।

वार्नर ब्रोजले सार्वजनिक गरेको दुई मिनेट लामो ट्रेलरमा ह्यारी पोर्टरको फ्यान्टासी विश्वका पात्र र उनीहरुको संघर्षलाई चित्रण गरिएको छ । लामो समयको पर्खाइपछि रोलिङको फिल्म हलमा आउने भएको हो।

यो फिल्म ह्यारी पोर्टर र ‘फ्यान्टास्टिक बिट्स’का दर्शकमाझ विश्वभर प्रतीक्षित छ । रोलिङ लिखित अघिल्ला फिल्मले पनि नेपाली बक्स अफिसमा राम्रो कमाइ गरेका छन् । नेपालमा एप्पल इन्टरटेनमेन्टले यो फिल्मलाई प्रदर्शन गर्न लागेको हो ।