‘केजीएफ च्याप्टर २’ मा रविना टण्डनको भूमिकाको प्रशंसा, यस्तो छ उनको करियरका कदमहरु

काठमाडौं । भर्खरै रिलिज भएको ‘केजीएफ च्याप्टर २’मा प्रधानमन्त्री रमिका सेनको भूमिका निर्वाह गरेकी रविना टण्डनको अभिनयको चौतर्फी तारिफ भइरहेको छ ।

अभिनेत्री रविना टण्डनले आफ्नो करियर १९९१ मा सुरु गरेकी थिइन् । उनको पहिलो फिल्म सलमान खानसँगको ‘पत्थर के फूल’ थियो, जसलाई मानिसहरूले मन पराएनन् । सुरुमा रविनाका केही फिल्म फ्लप भए पनि पछि उनले आफ्नो अभिनयका कारण इन्डस्ट्रीमा आफ्नो स्थान बनाइन् ।

आफ्नो करियरमा उनले धेरै हिट फिल्महरूमा काम गरिन् र उनका धेरै चर्चित गीतहरू जस्तै ‘टिप-टिप बरसा पानी’, ‘किसी डिस्को मे जाये’लाई मानिसहरूले धेरै रुचाएका छन्। आज हामी तपाईँलाई ओटीटी प्लेटफर्ममा उपलब्ध रविना टण्डनका उत्कृष्ट चलचित्रहरूको बारेमा बताउन गइरहेका छौं।

अन्दाज अपना अपना

प्ल्यटफम : अमेजोन प्राइम

राजकुमार संतोषीद्वारा निर्देशित अंदाज अपना अपनाु एक कमेडी फिल्म थियो। फिल्ममा आमिर खान, सलमान खान, रविना टण्डन र करिश्मा कपूर मुख्य भूमिकामा थिए। यो फिल्म चारवटा फिल्मफेयर अवार्डका लागि पनि मनोनित भएको थियो । यो मध्यमवर्गीय परिवारको प्रेमको कथा हो, जो करोडपतिकी छोरीको माया पाउन एकअर्कासँग प्रतिस्पर्धा गर्छन् ।

दुल्हे राजा
प्लेटफर्म: अमेजन प्राइम, एमएक्स प्लेयर

फिल्म दुल्हे राजा हर्मेश मल्होत्राद्वारा निर्देशित फिल्म थियो। यसमा रविना टण्डनले किरण सिंघानियाको भूमिका निर्वाह गरेकी थिइन्, जो राजा (गोविन्द) सँग प्रेममा पर्छन्, जसले आफ्नो बुबा केके सिंघानिया (कादर खान) को पाँचतारे होटलको अगाडि ढाबा चलाउँछन्। यो फिल्मका लागि जोनी लिभरले ‘बेस्ट एक्टर इन ए कमेडी रोल’को लागि फिल्मफेयर अवार्ड पनि प्राप्त गरे।

बडे मिया छोटे मिया : 

प्लेटफर्म: अमेजन प्राइम

१९९८ फिल्म ‘बडे मिया छोटे मिया’ एक एक्शन कमेडी फिल्म थियो। डेभिड धवनद्वारा निर्देशित र वाशु भगनानीद्वारा निर्मित यो चलचित्र एकै वर्षको ‘केही कुछ होता है’पछि सबैभन्दा हिट फिल्म थियो। फिल्ममा गोविन्दा, अमिताभ बच्चन, रविना टण्डन, राम्या कृष्णन र अनुपम खेर जस्ता कलाकार थिए ।

शूल
प्लेटफर्म: अमेजन प्राइम

ईश्वर निवासद्वारा निर्देशित, ‘शूल’ मा रविना टन्डन र मनोज बाजपेयीले मुख्य भूमिकामा अभिनय गरेका थिए। सन् १९९९ को यो फिल्मका निर्माता र लेखक राम गोपाल वर्मा थिए। यो एउटा इमानदार प्रहरीको कथा हो जसलाई एउटा सानो सहरमा सरुवा गरिन्छ। जहाँ उसले भ्रष्ट विभागसँग व्यवहार गर्नुपर्छ र आफ्नो परिवारको लागि खतरामा बाँच्नु पर्छ।

मातृ : 

प्लेटफर्म : डिज्नी प्लस हटस्टार

मातृ फिल्म एक थ्रिलर ड्रामा हो, माइकल पेलिद्वारा लेखिएको र अश्तर सैयदद्वारा निर्देशित यो फिल्म २०१७ मा रिलिज भएको थियो । फिल्ममा रविना टण्डन, अलिशा खान, मधुर मित्तल मुख्य भूमिकामा छन् । यसमा छोरीको सामूहिक बलात्कार र हत्यापछि महिला न्याय पाउन निस्किन्छिन् ।