काठमाडौं । बलिउड अभिनेता अक्षय कुमार उद्योगमा एक मात्र अभिनेता हुन् जसले हरेक वर्ष करिब ४-५ फिल्म रिलिज गर्छन्। बलिउडका खेलाडी भनिने अभिनेता अक्षयले आफ्ना फिल्मबाट दर्शकलाई निकै मनोरञ्जन दिने गर्छन् ।
आफ्नो दमदार एक्शनले मानिसहरूलाई रोमाञ्चित बनाएका अक्षयले अहिले आफ्नो उत्कृष्ट कमिक टाइमिङले फ्यानहरूलाई धेरै हँसाइरहेका छन्। आफ्नो अभिनयबाट मानिसलाई मनोरञ्जन दिने कलाकारहरु सामाजिक सञ्जालमा पनि निकै सक्रिय हुन्छन् । कलाकारहरु हरेक दिन आफ्ना फ्यानहरुसँग आफ्नो तस्बिर र भिडियो सेयर गरिरहन्छन् ।
यसै क्रममा अक्षयले हालै आफ्नो सामाजिक सञ्जाल अकाउन्टमा आफ्नो एउटा फनी भिडियो सेयर गरेका छन् । विश्व हाँसो दिवसको अवसरमा अभिनेताले यो भिडियो सेयर गरेका हुन् । सेयर गरिएको यो भिडियोमा अभिनेता निकै रमाइलो अनुहार बनाएर देखिएका छन् । यससँगै उनी दाँतमा काइयो घुमाउँदै गरेको देखिन्छ । यस भिडियोको ब्याकग्राउन्डमा अंग्रेजी गीत स्ट्यान्ड बाइ मी बजिरहेको छ ।
बलिउड अभिनेता अक्षय कुमार सामाजिक सञ्जालमा अक्सर चर्चामा रहन्छन् । पछिल्लो समय अभिनेता आफ्नो एउटा विज्ञापनका कारण चर्चामा आएका थिए । अभिनेता हालै अजय देवगन र शाहरुख खानको साथमा पान मसाला विज्ञापनमा देखिएका थिए। यो विज्ञापनमा अक्षयलाई देखेपछि उनी सामाजिक सञ्जालमा निकै ट्रोल भएका थिए । फ्यानहरुको असन्तुष्टि देखेर अभिनेताले पछि यो विज्ञापन छाड्ने घोषणा गरेका थिए ।
वर्कफ्रन्टको कुरा गर्ने हो भने अक्षय कुमार साउथको फिल्म ‘ड्राइभिङ लाइसेन्स’, ‘सेल्फी’ को हिन्दी रिमेकमा देखिदैँछन् । यस फिल्ममा उनको साथमा इमरान हाशमी पनि रहनेछन् ।
View this post on Instagram
साथै, उनी छिट्टै फिल्म ‘राम सेतु’ मा पनि देखिदैछन् । हालै यो चलचित्रको पोस्टर पनि सार्वजनिक भएको छ । योसँगै २९ अप्रिलमा उनको फिल्म ‘मिशन सिन्डेरेला’ पनि डिज्नी प्लस हटस्टारमा रिलिज भएको छ । यसबाहेक उनी पृथ्वीराज, ओहएमजी २ लगायतका फिल्ममा पनि देखिदैछन् ।
यो खबर पढेर तपाईलाई कस्तो महसुस भयो ?
प्रतिक्रिया