काठमाडौं । आगामी सेप्टेम्बर १७ तारिखदेखि संयुत्त, अरब इमिरेट्स ‘युएई’ मा हुने एसिया कपको छनोट खेल अगस्ट अन्तिम हुने भएको छ ।
आसन्न एशिया कप क्रिकेटको छनोट खेल अगस्टको अन्तिममा हुने बताइएको थियो ।
एसियन क्रिकेट काउन्सिलले छनोट खेल अगष्ट २७ तारिखदेखि सेप्टेम्बर ७ सम्म मलेसियामा हुने बताइएको छ । छनोट खेलमा नेपालसहित ६ टोलीको सहभागिता रहनेछ ।
यसअघि एसिया कप छनोट र एसिया कप भारतमा आयोजना हुने भनिएता पनि अन्तिममा छनोट प्रतियोगिता मलेसियामा र एसिया कप युएईमा सरिएको हो ।
छनोट खेलमा नेपालसहित मलेसिया, युएई, हङकङ, सिंगापुर र ओमान रहेका छन् ।
प्रतियोगिताको विजेताले सेप्टेम्बर १७ बाट युएईमा हुने एसिया कपको समुह ए मा प्रवेश पाउने छ जुन समुहमा भारत र पाकिस्तान रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया