कारको ब्रेकफेल भएपछि तनुश्री दत्तको दुर्घटना, कस्तो छ स्वास्थ्य अवस्था ?

काठमाडौं । बलिउड अभिनेत्री तनुश्री दत्तको हालै दुर्घटना भएको छ । प्राप्त जानकारी अनुसार नायिका महाकालको दर्शन गर्न जाँदै गर्दा सडक दुर्घटना भएको हो ।

अभिनेत्री तनुश्री दत्तले आफैंले सामाजिक सञ्जालमार्फत दुर्घटना भएको जानकारी दिएकी छिन् ।

अभिनेत्रीले इन्स्टाग्राममा आफ्नो चोट लागेको तस्बिर सेयर गर्दै घटनाको बारेमा खुलासा गरेकी हुन् । उनको कारको ब्रेक फेल भएर दुर्घटना भएको र खुट्टामा चोट लागेको बताएकी छिन् ।

तनुश्री दत्ताले सामाजिक सञ्जालमा केही तस्बि सेयर गरेकी छिन् । तस्बिरमा अभिनेत्रीको खुट्टामा लागेको घाउ प्रष्ट देखिन्छ । घटनाको वर्णन गर्दै अभिनेत्रीले लेखिन्, ‘आज साहसिक दिन थियो! तर अन्ततः महाकालको दर्शन भयो। मन्दिर जाने बाटोमा अनौठो दुर्घटना भए पनि… ब्रेक फेल भएर गाडी ठोक्कियो। जय श्री महाकाल !’