खाडलमा परि तेह्रथुममा १ जनाको मृत्यु

तेह्रथुम : म्याङलुङ नगरपालिका-१ स्थित जिविस टोलनजिक सडकको खाडलमा फस्दा तम्फुलाका ठगबहादुर पुर्कुटीको मृत्यु भएको छ । 

गणेश र्इटा उद्योगमा जाने बाटोमा ट्याक्टरले बनाएको खाडलमा खस्दा झाँक्री कान्छा भनेर चिनिने पुर्कुटीको मृत्यु भएको प्रहरीले जानकारी दिएको छ । 

टाउको खाडलमा जोतिएको अवस्थामा शनिबार बिहानै पुर्कुटीको शव सडकको खाडलमा भेटिएको हो । 

खाडलमा घोप्टिएर लडेपछि उठ्न नसक्दा पुर्कुटीको मृत्यु भएको हुनसक्ने स्थानीयबासीले बताएका छन् ।