बंगलादेशलाई एकदिवशीय श्रृंखलाको उपाधि

काठमाडौं । बंगलादेशले वेस्ट इन्डिजविरुद्धको एकदिवशीय क्रिकेट सिरिजमाथि कब्जा जमाएको छ।

शनिबारराति भएको खेलमा बंगलादेशलले वेस्टइन्डिजलाई १८ रनले पराजित गर्दै सिरिज २–१ ले आफ्नो पक्षमा पारेको हो । 

टस जितेर पहिले ब्याटिङ गरेको बंगलादेशले निधारित ५० ओभरमा ६ विकेट गुमाउँदै ३ सय १ रनको योगफल तयार पारेको थियो । बंगलादेशका लागि तमिम इकबालले शतकीय पारि खेले का थिए । उनले १ सय ३ रन बनाए । त्यस्तै, मोहमद उल्लाहले नटआउट ६७ रनको योगदान दिए ।

शकिबअल हसनले ३७ तथा मोर्तजाले ३६ रन जाडे । 

३सय २ रनको विजयी लक्ष्य लिएर मैदान उत्रेको वेस्ट इन्डिज  ६ विकेटको क्षतीमा मात्र २ सय ८३ रनमा समेटिएको थियो ।

वेस्ट इन्डिजका लागि रोभमान पावेलले नट आउट ७४ तथा क्रिस गेलले ७३ रन बनाए । सेइहोपले ६४ रनको योगदान दिए ।

यता बंगलादेशका मसरफे मोर्तजाले सर्वाधिक २ विकेट लिएका थिए ।