‘छक्का पञ्जा ३’ को गीत पहिलो नम्बरमा (भिडियो)

काठमाडौं । चलचित्र ‘छक्का पञ्जा ३’ को गीत पहिलो नम्बरमा सार्वजनिक गरिएको छ । डेबिड शंकर र बिन्दु परियारले स्वर दिएको यो गीतमा फिल्मका धेरैजसो कलाकारले अभिनय गरेका छन् । बोनसमा कुनै भूमिका नभएकी स्वस्तिमा खड्काको पनि अभिनय देख्न सकिन्छ ।

राजेन्द्र थापाले लेखेको गीतलाई दीपक शर्माले संगीत दिएका हुन् भने उदयराज पौडेलले एरेन्ज गरेका हुन् ।

दशैंमा रिलिज हुन लागेको फिल्ममा दिपकराज गिरी, दीपिका प्रसाईं, प्रियंका कार्की, केदार प्रसाद घिमिरे, जितु नेपाल, नीर शाह, शिवहरि पौडेल, किरण केसी, अनुराग कुवँर लगायतका कलाकारले अभिनय गरेका छन् । 

त्यस्तै फिल्मलाई दीपाश्री निरौलाले निर्देशन गरेकी छिन् भने कथा तथा पटकथा दीपकराज गिरीले लेखेका हुन् ।