मेस्सी बार्सिलोनाको प्रशिक्षणमा फर्किए

स्पेन । अर्जेन्टिनाका स्टार खेलाडी  लियोनेल मेस्सी बार्सिलोनाको  प्रशिक्षण क्याम्पमा फर्किएका छन् । 

रसियामा सम्पन्न विश्वकप पछि मेस्सी बार्सिलोनाको नियमित प्रशिक्षणमा मंगलबारबाट समावेश भएका हुन् ।

विश्वकपमा अर्जेन्टिना प्रि–क्वार्टरफाइनल खेलमा उपाधि विजेता फ्रान्ससँग ४–३ ले पराजित हुँदै बाहिरिएको थियो । तर, मेस्सी यो अवधिमा छुट्टीमा व्यस्त थिए । मेस्सीसँगै स्पेनका डिफेन्डर जेरार्ड पिके र जोर्डी अल्बा पनि बार्सिलोनाको प्रशिक्षण क्याम्पमा फर्किएका छन् ।

३१ वर्षीय मेस्सीको उच्च प्रदर्शनमा बार्सिलोनाले स्पेनिस ला लिगा र कोपा डेल रे को उपाधि जितेको थियो । यसपटक पनि इर्निस्टो भालभार्डेको प्रशिक्षणमा बार्सिलोनाले उच्च प्रदर्शन गर्ने अपेक्षा गरिएको छ ।