काठमाडौं । नेदरल्याण्ड्सविरुद्धको पहिलो एकदिवसीय क्रिकेटमा सोमपाल कामीले व्यक्तिगत दोस्रो विकेट लिन सफल भएका छन् ।
उनले व्यक्तिगत दोस्रो विकेट लिदा नेपालले नेदरल्याण्ड्सको पाचौँ विकेट लिन सफल भइसकेको छ । यसअघि सोमपालले नेपालका लागि पहिलो विकेट लिदैं ‘ओडीआई’मा पहिलो विकेट लिने रेकर्ड बनाइसकेका छन् ।
सोमपालले नेपालको लागि पहिलो ‘ओडिआई’मा पहिलो बल फाल्ने, पहिलो विकेट लिने र पहिलो मेडन ओभर फाल्ने कीर्तिमान बनाउन सफल भए । सोमपालले नेदरल्याण्ड्सका ओपनर ब्याट्सम्यान टर ब्राकलाई बोल्ड आउट गर्दै सोे रेकर्ड बनाएका हुन् ।
उनले २ ओभर बलिङ गर्दै ३ रन खर्चेर १ विकेट लिएका थिए । त्यस्तै, कप्तान पारस खड्काले दुई तथा सन्दिप लामिछानेले एक विकेट झारेका थिए ।
हामीले यो समाचार तयार पार्दासम्म नेदरल्याण्ड्सले ३६ ओभरमा ५ विकेट गुमाउँदै १ सय ४९ रन बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया