श्रीलंका । श्रीलंकाविरुद्धको एक दिवशीय क्रिकेटमा दक्षिण अफ्रिकाले जित हात पारेको छ ।
बुधवारराति सम्पन्न भएको खेलमा श्रीलंकालाई ६ विकेटले पराजित गर्दै दक्षिण अफ्रिकाले पाँच एक दिवसीय श्रीङ्खलामा २—० को अग्रता लिएको हो ।
टस जितेर पहिले ब्याटिङ गरेको घरेलु टोली श्रीलंकाले निर्धारित ५० ओभरमा ८ विकेट गुमाउँदै २ सय ४४ रनको योगफल तयार पारेको थियो ।
श्रीलंकाका लागि एन्जेलो म्याथ्युजले सबैभन्दा बढी ७९ रनको योगदान दिउ । त्यस्तै, निरोशन डिकवेलाले ६९ रन जोडे । यता, बलिङतर्फ दक्षिण अफ्रिकाका एन्डिल फेलुक्वायो र लुंगी एनगिदीले समान ३—३ विकेट लिए ।
२ सय ४५ रनको लक्ष्य लिएर मैदानमा उत्रिएको दक्षिण अफ्रिकाले ४२ दशमलब ५ ओभरमा मात्र ६ विकेट गुमाउँदै निर्धारित लक्ष्य पुरा गर्यो।
दक्षिण अफ्रिकाको लागि क्वीनटन डी कक ८७ रन, फाप डु प्लेसीस ४९ रन तथा हसिम अमलाले ४३ रन जोडेका थिए ।
यो खबर पढेर तपाईलाई कस्तो महसुस भयो ?
प्रतिक्रिया