काठमाडौं । आसन्न १८ ओं ‘एशियाड’ अन्तर्गत पुरुष फुटबलमा नेपालले जापानसँग प्रतिस्पर्धा गर्ने भएको छ ।
प्रतियोगिता अन्तर्गत समूहको पहिलो खेलमा नेपाली युवा टोलीले रसिया विश्वकपमा समेत सहभागिता जनाइसकेको एशियाली पावर हाउस जापानसँग खेल्ने भएको हो । समूह ‘डी’ मा रहेको नेपालले यहि साउन २९ गते जापानसँग भिड्न लागेको हो ।
प्रतियोगिताको उदघाट्न भदौ २ मा हुने भए पनि पुरुष फुटबल साउन २९ गतेदेखि नै शुरु हुनेछ । त्यस्तै, साउन ३१ गते नेपालले भियातनामसँग र भदौ ३ गते पाकिस्तानसँग खेल्ने कार्यक्रम रहेको छ ।
समूह ‘डी’ मा रहेको नेपालले जापान, भियातनाम र पाकिस्तान रहेका छन् ।
अहिले नेपाली टोली ‘एशियाड’ र ‘साफ’ च्याम्पियनसिपका लागि थाइल्याण्डमा विशेष प्रशिक्षणरत छ । थाइल्याण्डमा नेपालले त्यहाँको राष्ट्रिय टोलीसँग मैत्रीपूर्ण फुटबल खेल्नेछ ।
यो खबर पढेर तपाईलाई कस्तो महसुस भयो ?
प्रतिक्रिया