इंग्ल्याण्ड । प्रि-सिजनमा रहेको चेल्सीले इन्टरनेशनल च्याम्पियन कपमा जित हात पारेको छ ।
मंगलबारराति भएको खेलमा इंग्लिस क्लब चेल्सीले फ्रान्सेली क्लब लियोनलाई पेनाल्टी सुटआउटमा ५-४ गोल अन्तरले पराजित गरेको हो ।
आफ्नो घरेलु मैदान स्टामफोर्ड ब्रिजमा भएको खेलको निर्धारित समयमा दुवै क्लब गोलरहित बराबरीमा रोकिएपछि खेलको निर्णय पेनाल्टी सुटआउटबाट गरिएको थियो ।
पेनाल्टी सुटआउटमा दोस्रो हाफमा मैदान छिरेका चेल्सीका गोलकिपर रोबर्ट ग्रीनले एक पेनाल्टी बचाएका थिए । रोबर्ट ७४ औं मिनेटमा मार्सिनल बुल्काको स्थानमा मैदान छिरेका थिए ।
निर्णायक पेनाल्टीमा इडेन हाजार्ड चुकेनन् । त्यसअघि दुवै टिमले पाएको सुन्दर मौकालाई सदुपयोग गर्न सकेनन् । यो खेलसँगै चेल्सीको प्रि—सिजनको सबै खेलहरु सकिएको छ ।
यहि शनिबार हुने खेलमा चेल्सीले हडल्सफिल्ड टाउनसँग खेल्दै प्रिमियर लिगको शुरुवात गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया