अमेरिका । स्पेनी क्लब रियल म्याड्रिडले प्रि–सिजनको इन्टरनेसनल च्याम्पियन्स कपमा इटालियन क्लब एएस रोमालाई पराजित गरेको छ ।
न्युजर्सीस्थित मेटलाइफ स्टेडियममा बुधबार बिहान भएको खेलमा रियल म्याड्रिडले एएस रोमालाई २–१ गोल अन्तरले हराएको हो ।
खेल शुरु भएको २ मिनेट पनि बित्न नपाउँदै रियलका लागि मार्काे एसेन्सियोले पहिलो गोल गर्दै क्लबलाई शुरुवाती अग्रता दिलाए । १५ औं मिनेटमा ग्यारेथ बेलले गोल गर्दै क्लबको अग्रतालाई दोब्बर पारे ।
पहिलो हाफसम्म २—० गोलले अगाडि रहेको रियल म्याड्रिडले दोस्रो हाफमा भने गोल गर्न सकेन । खेलको अन्तिम समयमा रोमाका लागि केभिन स्टुटम्यानले गोल गरे पनि त्यो जितका लागि प्रयाप्त भएन ।
रियल म्याड्रिडले अब प्रि–सिजनमा एट्लेटिको मड्रिडसँग खेल्न बाँकी छ । यो खेल १५ अगस्टमा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया