भरतपुरमा ६१ हजार मतकाे गणना सकियाे, कसले कति मत पाए ?

काठमाडाैं । भरतपुर महानगरपालिकामा खसेको मतमध्ये ६१ हजार २५ मतकाे गणना सकिएको छ ।

शुक्रबार राति ८ बजेको मतपरिणाम अनुसार सत्ता गठबन्धनका मेयर र उपमेयरका दुवै उम्मेदवार अघि रहेका छन् । गठबन्धनबाट मेयर उम्मेदवारमा माओवादी केन्द्रकी रेनु दाहाल छिन् । दाहालले  २३ हजार १९२ मत पाएकी छन् भने काँग्रेसका उपमेयर उम्मेदवार चित्रसेन अधिकारीले २५ हजार ४४१ मत पाएका छन् ।

यस्तै एमाले–राप्रपा गठबन्धनका उम्मेदवार विजय सुवेदीले १९ हजार ७४६ मत पाएका छन् भने राप्रपाकी उपमेयर उम्मेदवार हिमला गुरुङले १५ हजार ५७६ मत पाएकी छन् । यस्तै मेयरका स्वतन्त्र उम्मेदवार जगन्नाथ पौडेलले पनि ८ हजार ५२९ मत पाएका छन् ।