पूजा शर्मा ‘रोजी’ सँग आफ्नो फिल्म जुधाउन डराइन्

काठमाडौं । कलाकार तथा नायिका पूजा शर्मा विवादमा तानिएकी छिन् । फेसबूकमा लेखेको एक स्टाटसले उनलाई विवादमा ल्याएको हो ।

त्यसो त  फिल्म रिलिज हुने बेलातिर अनेक अनेक गरेर विवादमा आउने नेपाली कलाकार पूजा शर्मा पनि पर्छिन् । यतिबेला आफूले निर्माण तथा अभिनय गरेको फिल्म ‘रामकहानी’ भदौ २२ मा रिलिज हुने कुरा छ । यही समयमा प्रदीप खड्का अभिनित फिल्म ‘रोजी’ पनि भदौ २२ मै रिलिज हुने भएको छ ।

यही कुरालाई लिउरु उनले महिलाले बनाएको चलचित्रलाई हेपेको, रामकहानीसँग जुधाउने प्लान गरेको लगायतका गुनासा गरेकी छिन् ।

उनले लेखेकी छिन्, ‘जबकि तपाईंलाई थाहा छ, मैले ६ महिना पहिले भदौ २२ गतेको दिन रामकहानीको प्रदर्शन गर्दैछु भनेर, तर यसरी जुध्न आउनु राम्रो हो र?’

कतिपयले उनको यो कुरालाई चर्चामा आउने दाउ पनि भनेका छन् । तर, कतिपयले भने फिल्म ‘रोजी’ सँग डराएको अड्कल काटेका छन् ।

आफ्नो फिल्मसँग अरुले फिल्म जुधाउन नै पाइन्न भन्ने खालको उनको यो सिन्डिकेट सोचको भने धेरैले खुलेर विरोध गरेका छन् ।