फ्राइडे रिलिजमा तीन फिल्म, कुन कुन?

काठमाडौं । आज शुक्रवारदेखि काठमाडौंका हलमा तीन सिनेमा रिलिज भएका छन् । रिलिज भएकामध्ये तीन सिनेमा नै गुमनाम छन् । प्रचारमा पनि केही समय खटिएको फिल्म ‘कहीँ कतै’ पनि आजै रिलिज हुँदैछ । साथै यो फिल्मसँगै अन्य दुई चलचित्र पनि रिलिज भएका छन् ।

आजै शुक्रवारदेखि ‘पिरिम प–या छ’ र ‘टिनएज’ पनि रिलिज भएको छ ।

‘कहीँ कतै’ को बजारमा औसत हल्ला चले पनि अन्य चलचित्रको भने खासै चर्चा भएन । चलचित्र ‘कहीँ कतै’ लाई सविर श्रेष्ठले निर्देशन गरेका हुन् । यो फिल्ममा दिलिप रायमाझी, किशोर खतिवडा, उमा बेबी, शिवानी गिरी, सोनम बरफुङ्गपा लगायतका कलाकारले अभिनय गरेका छन् ।

त्यस्तै फिल्म ‘टीनएज’ लाई दिनेश पाख्रिनले निर्देशन गरेका हु्न् । वीरु मगर, बुद्धिमान स्याङतान, निमाया पाख्रिन, देविका खड्गीले मिलेर निर्माण गरेको यो फिल्ममा नरेशवीर सिंह, एन्जिला खड्गी, प्रतीक्षा खड्का, सरीता राजभण्डारी, सरोज शाह लगायतका कलाकारले अभिनय गरेका छन् ।

रिलिजअघि यो फिल्मले खासै चर्चा पाउन सकेन ।

त्यस्तै लय संग्रौला र निरज थापाले निर्माण गरेको फिल्म ‘पिरिम प–या छ’ पनि आजैदेखि रिलिज हुँदैछ । फिल्ममा दिलिप रायमाझी, जयकिसन बस्नेत, रमेश बुढाथोकी, सुभेच्छा थापा, उमा कार्की, राजाराम पौडेल, लय संग्रौला, सोभित बस्नेत लगायतका कालकारले अभिनय गरेका छन् ।

यो फिल्ममा पुरन थापाको लेखन तथा निर्देशन रहेको छ ।