अमेरिका । बेलायती एन्डी मुर्रे जारी सिन्सीनाटी मास्र्टस टेनिस च्याम्पियनसिपको पहिलो चरणबाटै बाहिरिएका छन् ।
सोमवार राति सम्पन्न भएको मेन्स सिङगल्सतर्फको पहिलो चरणको खेलमा बेलायती मुर्रे फ्रान्सका लुकास पुइलसँग २-१ को प्रतिस्पर्धात्मक सेटमा पराजित हुँदै प्रतियोगिताबाट बाहिरिएका हुन ।
पुइलले मुर्रेलाई खेलको पहिलो सेटमा ६-१ ले सहजै पराजित गरे । दोस्रो सेटमा सुधारिएको खेल खेलेको मुर्रेले ६-१ ले आफ्नो पक्षमा पारे ।
निक्कै प्रतिस्पर्धात्मक खेलको अन्तिम सेटमा ६-४ ले पराजित हुँदै मुर्रे प्रतियोगिताको उपाधि होडबाट बाहिरिएका हुन । हिप इन्जुरीका कारण यो सिजन ४ प्रतियोगिता मात्र खेलेको मुर्रे वासिङघटन ओपन टेनिसको क्वाटरफाइनलसम्म पुगेका थिए ।
त्यस्तै, सोमवारराति नै सम्पन्न भएका अन्य खेलहरुमा जापानका केइ निस्सीकोरी, सर्वियाली नोभाक जोकोभिच, अमेरिकी जोन इस्नर र स्विट्जरल्याण्डका स्टानिसलास वावरिन्काले आ-आफ्नो खेलमा जीत हात पार्दै दोस्रो चरणमा प्रवेश गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया