बार्सिलोना । बार्सिलोनाले जोआन ग्याम्पर ट्रफीको उपाधि जितेको छ ।
अर्जेन्टिनाको बोका जुनियर्सलाई ३–० ले हराउँदै बार्सिलोनाले ४१औं उपाधि जितेको हो । आफ्नो घरेलु मैदानमा नोउ क्याम्पमा बुधवारराति भएको खेलमा बार्सिलोनाले अर्जेन्टिनी क्लब बोका जुनियर्सलाई ३-० गोल अन्तरले हराएको हो ।
खेलको १८ औं मिनेटमा माल्कोमले पहिलो गोल गर्दै क्लबलाई शुरुवाती अग्रता दिलाए । यसै सिजनमा मात्र बार्सिलोनामा आवद्ध भएका माल्कोमले गोल गरेका हुन ।
त्यस्तै, खेलको ३९ औ मिनेटमा कप्तान लियोनल मेस्सीले गोल गर्दै खेललाई २-० को स्थितीमा पुर्याए । एक पक्षिय रहेको खेलको ६७ औं मिनेटमा राफिन्हाले गोल गर्दै क्लबलाई ३–० को सहज जित दिलाए ।
स्पेनिस ला लिगा शनिवारबाट शुरु हुँदैछ । बार्सिलोनाले १९ अगस्टमा घरेलु मैदानमा अलाभेससँग खेल्दै ला लिगाको शुरुवात गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया